Hum se Abdullah bin Yusuf Tanisi ne byaan kiya , unhon ne kaha ke humein Imam Malik ne khabar di , unhein Nafi ne aur unhein Abdullah bin Umar razi Allahu anhuma ne ke Rasool Allah salla Allahu alaihi wasallam ka talbiya yeh tha «labbaik allahumma labbaik , labbaika la shareeka laka labbaik , innal hamda wan-ni'mata laka wal-mulk , la shareeka lak» ”Haazir hoon ae Allah! Haazir hoon main , Tera koi shareek nahi . Haazir hoon , tamam hamd Tere hi liye hai aur tamam nematon Teri hi taraf se hain , baadshahat Teri hi hai Tera koi shareek nahi .“

Hum se Muhammad bin Yusuf Faryabi ne byaan kiya , kaha ke hum se Sufyan Thauri ne Aamash se byaan kiya , un se Amarah ne un se Abu Atiyyah ne aur un se Aisha razi Allahu anha ne ke main jaanti hoon ke kis taraf Nabi Karim salla Allahu alaihi wasallam talbiya kehte thay . Aap salla Allahu alaihi wasallam talbiya yun kehte thay «labbaik allahumma labbaik , labbaika la shareeka laka labbaik , innal hamda wan-ni'mata laka» (tarjuma guzar chuka hai) is ki mutaba'at Sufyan Thauri ki tarah Abu Muawiyah ne Aamash se bhi ki hai . Aur Shubah ne kaha ke mujh ko Sulayman Aamash ne khabar di ke maine Khaithamah se suna aur unhon ne Abu Atiyyah se , unhon ne Aisha razi Allahu anha se suna . Phir yahi hadees byaan ki .

Mujh se Habban bin Musa aur Ahmad bin Muhammad ne bayan kiya, unhon ne kaha ke hamain Abdullah bin Mubarak ne khabar di, unhon ne kaha hum ko Yunus ne khabar di, unhein Zuhri ne, unhein Salim ne aur in se Abdullah bin Umar razi Allahu anhuma ne bayan kiya ke main ne Rasool Allah salla Allahu alaihi wasallam se suna, Aap salla Allahu alaihi wasallam ne apne baal jama liye thay aur ihram ke waqt yun Aap Labbaik keh rahe thay «labbaika allahumma labbaik, labbaika la shareeka laka labbaik, innal-hamda wan-nimata laka wal-mulka la shareeka laka» in kalma-t ke oopar aur kuch Aap nahi barhate thay.

Hum se Asbagh bin Faraj ne byaan kiya , kaha ke humein Abdullah bin Wahab ne khabar di , unhein Yunus ne , unhein Ibn Shihab ne , unhein Salim ne aur un se in ke walid ne farmaya ke maine Rasool Allah salla Allahu alaihi wasallam se talbeed ki haalat mein Labbaik kehte suna .