Hum se Ahmad bin Shabeeb bin Saeed ne byaan kiya ‘ unhon ne kaha hum se mere walid Shabeeb ne byaan kiya ‘ unhon ne kaha ke hum se Yunus ne byaan kiya ‘ un se Ibn Shihab ne ‘ un se Khalid bin Aslam ne ‘ unhon ne byaan kiya ke hum Abdullah bin Umar razi Allahu anhuma ke saath kahin ja rahe thay . Ek aarabi ne Aap se poocha ke mujhe Allah Ta'ala ke is farmaan ki tafseer batlayiye ”jo log sone aur chandi ka khazana bana kar rakhte hain .“ Ibn Umar razi Allahu anhuma ne is ka jawab diya ke agar kisi ne sona chandi jama kiya aur is ki zakat na di to us ke liye «wayl» (kharabi) hai . Yeh hukm zakat ke ahkaam nazil hone se pehle tha lekin jab Allah Ta'ala ne zakat ka hukm nazil kar diya to ab wahi zakat maal o daulat ko paak kar dene wali hai .

Ahmad bin Shabib bin Saeed ne kaha ke hum se mere walid (Shabib bin Saeed) ne byaan kiya , un se Yunus ne , un se Ibn Shihab ne aur un se Khalid bin Aslam ne ke hum Abdullah bin Umar razi Allahu anhuma ke saath niklay to unhon ne kaha ke yeh (mazkoora bala aayat) zakat ke hukm se pehle nazil hui thi . Phir jab zakat ka hukm ho gaya to Allah Ta'ala ne zakat se maalon ko paak kar diya .