Hum se Ishaq bin Ibrahim Al-Hanzali ne bayan kiya. Unhein Abdur Razzaq ne khabar di, unhein Ma’mar ne Hammam bin Munabbih ke waaste se batlaaya ke unhon ne Abu Hurairah Radhiallahu Anhu se suna, woh keh rahe the ke Rasoolullah Sallallahu Alaihi Wasallam ne farmaaya ke jo shakhs hadas kare us ki Namaz qabool nahi hoti jab tak ke woh (dobarah) Wuzu na kar le. Hazramaut ke ek shakhs ne poocha ke hadas hona kiya hai? Aap ne farmaaya ke (paakhana ke maqam se nikalne waali) aawaaz waali ya be-aawaz waali hawa.

Mujh se Ishaq ne bayan kiya , kaha hum se Abd-ul-Razzaq ne bayan kiya , in se Mamar ne , in se Humam ne , in se Abu Hurairah razi Allahu anhu ne ke Nabi Karim salla Allahu alaihi wasallam ne farmaya ”Allah Ta'ala tum mein se kisi aise shakhs ki namaz qabool nahi karta jise wuzu ki zaroorat ho yahan tak ke woh wuzu kar le .“