Hum se Hadees bayan ki Amr bin Khalid ne, un ko Laith ne, woh riwayat karte hain Yazeed se, woh Abul Khair se, woh Abdullah bin Amr bin Aas Radhiallahu Anhuma se ke ek din ek aadmi ne Nabi-e-Kareem Sallallahu Alaihi Wasallam se poocha ke kaun sa Islam behtar hai? Farmaaya ke tum khaana khilaao, aur jis ko pehchaano us ko bhi aur jis ko na pehchaano us ko bhi, al-gharz sab ko salaam karo.

Hum se Qutaibab ne bayan kiya, unhon ne kaha hum se Laith ne bayan kiya, unhon ne Yazeed bin Abi Habib se, unhon ne Abul Khair se, unhon ne Abdullah bin Amr Radhiallahu Anhuma se ke ek aadmi ne Rasoolulllah Sallallahu Alaihi Wasallam se poocha kaun sa Islam behtar hai? Aap Sallallahu Alaihi Wasallam ne farmaaya ke tu khaana khilaye aur har shakhs ko salaam kare khwaah us ko tu jaanta ho ya na jaanta ho.

Hum se Abdullah bin Yusuf ne bayan kiya, kaha hum se Layth ne bayan kiya, kaha ke mujh se Yazid ne bayan kiya, in se Abu al-Khair ne, in se Abdullah bin Amr razi Allahu anhu ne ke ek sahab ne Nabi Karim salla Allahu alaihi wasallam se poochha: Islam ki kaun si halat afzal hai? Nabi Karim salla Allahu alaihi wasallam ne farmaya yeh ke (Allah ki makhlooq ko) khana khilao aur salam karo, usay bhi jise tum pehchante ho aur usay bhi jise nahi pehchante.