Hum se Musaddad ne bayan kiya , kaha hum se Hammad bin Yazid ne bayan kiya , in se Abbas Jareeri ne aur in se Abu Usman ne bayan kiya ke main Abu Hurairah razi Allahu anhu ke yahan saat din tak mehman raha , woh aur in ki biwi aur in ke khadim ne raat mein (jaagne ki) baari muqarrar kar rakkhi thi . Raat ke ek tihayi hisse mein ek sahab namaz parhte rahe phir woh doosre ko jaga dete aur main ne Abu Hurairah razi Allahu anhu ko yeh kehte suna ke Rasool Allah salla Allahu alaihi wasallam ne apne sahabah mein ek martaba khajoor taqseem ki aur mujhe bhi saat khajoorein dein , ek in mein kharab ku .

Hum se Muhammad bin Sabah ne bayan kiya , unhon ne kaha hum se Ismail bin Zakariya ne bayan kiya , in se Aasim ne , in se Abu Usman ne aur in se Abu Hurairah razi Allahu anhu ne bayan kiya ke Rasool Allah salla Allahu alaihi wasallam ne hum mein khajoor taqseem ki paanch mujhe inayat farmayein char to achhi khajoorein thien aur ek kharab ku jo meere daanton ke liye sab se zyada sakht thi .