Zaynub bint Umm Salamah razi Allahu anha ne kaha ke main ne Umm Salamah razi Allahu anha ko bhi yeh kehte suna ke ek khatoon Rasool Allah salla Allahu alaihi wasallam ke paas aayin aur arz kiya: ya Rasool Allah! Meri larki ke shohar ka intiqal ho gaya hai aur is ki aankhon mein takleef hai to kiya woh surma laga sakti hai ? Nabi Karim salla Allahu alaihi wasallam ne is par farmaya ke nahi , do teen martaba (Aap salla Allahu alaihi wasallam ne yeh farmaya) har martaba yeh farmate thay ke nahi! Phir Nabi Karim salla Allahu alaihi wasallam ne farmaya ke yeh (shar-ee iddat) char mahine aur das din hi ki hai . Jahiliyat mein to tumhein saal bhar tak meingni phenkni parti thi (jab kahien iddat se bahar hoti thi) .