Ibn Abbas razi Allahu anhuma ne kaha ke «al-muhayminu» ameen ke maani mein hai . Quran apne se pehle ki har aasmani kitab ka amanat-dar aur nigahban hai .

Hum se Abdullah bin Musa ne byaan kiya , un se Shayban bin Abdur Rahman ne , un se Yahya bin Kaseer ne , un se Salma bin Abdur Rahman bin Auf ne byaan kiya ke mujhko Aisha , Abdullah aur Ibn Abbas razi Allahu anhum ne khabar di ke Nabi salla Allahu alaihi wasallam Makkah mein das saal rahe aur Quran nazil hota raha aur Madinah mein bhi das saal tak rahe aur Aap salla Allahu alaihi wasallam par wahan bhi Quran nazil hota raha .