Mujh se Muhammad ne byaan kiya , kaha ke mujhe Ibn Uyaynah ne khabar di , unhein Amr ne aur un se Ibn Abbas razi Allahu anhuma ne byaan kiya ke Ukaz , Mijannah aur Zhul Majaz zamana e jahiliyat ke bazar (meley) thay , is liye (Islam ke baad) mausam e hajj mein sahabah razi Allahu anhum ne wahan karobar ko bura samjha to aayat nazil hui «laysa alaykum junahun an tabtaghu fadlan min rabbikum» ke ”tumhein is baare mein koi haraj nahi ke tum apne Parvardigar ke yahan se talash e maash karo .“ Yani mausam e hajj mein tijarat ke liye mazkoora mandiyon mein jao .