Hum se Yahya bin Bukayr ne byaan kiya , unhon ne kaha hum se Layth bin Saad ne byaan kiya , un se Aqeel ne byaan kiya , un se Ibn Shihab ne byaan kiya , unhein Abu Salamah ne khabar di aur unhein Aisha razi Allahu anha ne khabar di ke Abu Bakr razi Allahu anhu apni qiyam-gah , Maskh se ghore par aaye aur aa kar utray , phir masjid ke andar gaye . Kisi se Aap ne koi baat nahi ki . Is ke baad Aap Aisha razi Allahu anha ke hujra mein aaye aur Nabi Karim salla Allahu alaihi wasallam ki taraf gaye , naash mubarak ek Yamani chadar se dhaki hui thi . Aap ne chehra khola aur jhuk kar chehra mubarak ko bosa diya aur rone lage , phir kaha mere maan baap Aap par qurban hon Allah ki qasam! Allah Ta'ala Aap par do martaba maut tari nahi kare ga . Jo ek maut Aap ke muqaddar mein thi , woh Aap par tari ho chuki hai .