Muhammad Bin Abdullah Ansari ne kaha ke hum se isi tarah ye hadees Ibn Juraij ne bayan kiya lekin Kaseer Bin Kaseer ne mujh se yun bayan kiya ke mein aur Usman Bin Abu Sulaiman dono Said Bin Jubair ke paas baithe hue thay, itne mein unhon ne kaha ke Ibn Abbas (Radi Allahu Anhuma) ne mujh se ye hadees is tarah bayan nahi ki balki yun kaha ke Ibrahim Alaihis Salam apne bete Ismail aur un ki walida Hajra Alaihi-as-Salam Ismail Alaihis Salam ko le kar Makkah ki sarr zameen ki taraf aaye. Hajra Alaihi-as-Salam Ismail Alaihis Salam ko doodh pilati theen. In ke sath ek purani mashk thi. Ibn Abbas ne is hadees ko marfoo nahi kiya
.