Imam Bukhari (Rahimahullah) ne kaha ke Laith Bin Saad ne riwayat kiya Yahya Bin Said Ansari se, un se Amra ne aur un se Aisha (Radi Allahu Anha) ne bayan kiya ke mein ne Nabi Kareem (Sallallahu Alaihi Wasallam) se suna, Aap (Sallallahu Alaihi Wasallam) farma rahe thay "Rooho ke jhand ke jhand alag alag thay. Phir wahan jin roohon mein aapas mein pehchan thi un mein yahan bhi muhabbat hoti hai aur jo wahan ghair theen yahan bhi wo khilaf rehti hain." Aur Yahya Bin Ayub ne bhi is hadees ko riwayat kiya, kaha mujh se Yahya Bin Said ne bayan kiya, aakhir tak
.