Laith ne bayan kiya ke mujh se Jafar Bin Rabia ne bayan kiya, un se Abdullah Bin Hurmuz ne bayan kiya unhon ne kaha ke mein ne Abu Hurairah (Radi Allahu Anhu) se suna, un se Rasul Allah (Sallallahu Alaihi Wasallam) ne farmaya ke Sulaiman Bin Dawood (Alaihimas Salam) ne farmaya aaj raat apni sau ya (rawi ko shaq tha) nina-nve biwiyon ke paas jaun ga aur har biwi ek ek sheh-sawar jane gi jo Allah Ta'ala ke raste mein jihad karein ge. Un ke sathi ne kaha ke Insha Allah bhi keh lijaiye lekin unhon ne Insha Allah nahi kaha. Chunancha sirf ek biwi hamila huein aur un ke bhi aadha bacha paida hua. Is zat ki qasam jis ke hath mein Muhammad (Sallallahu Alaihi Wasallam) ki jaan hai agar Sulaiman (Alaihis Salam) is waqt Insha Allah keh lete to (tamam biwiyan hamila hotein aur) sab ke yahan aise sheh-sawar bacche paida hote jo Allah ke raste mein jihad karte
.