Is silsile mein Maqbari ki Riwayat Abu Hurairah (Radi Allahu Anhu) se hai
.

Aur Abdullah Bin Umar (Radi Allahu Anhuma) ne ek oont chaar oonton ke badle mein khareeda tha. Jin ke mutalliq ye taye hua tha ke Maqam-e-Rabadhah mein wo unhein ise day denge. Ibn Abbas (Radi Allahu Anhuma) ne kaha ke kabhi ek oont, do oonton ke muqable mein behtar hota hai. Rafi Bin Khadij (Radi Allahu Anhu) ne ek oont do oonton ke badle mein khareeda tha. Ek to ise day diya tha, aur doosre ke mutalliq farmaya tha ke wo kal Insha Allah kisi takheer ke baghair tumhare hawale kar donga. Saeed Bin Musayyib ne kaha ke janwaron mein sood nahi chalta. Ek oont do oonton ke badle, aur ek bakri do bakriyon ke badle udhaar bechi ja sakti hai Ibn Sirin ne kaha ke ek oont do oonton ke badle udhaar bechne mein koi haraj nahi
.

Hum se Sulaiman Bin Harb ne bayan kiya, kaha ke hum se Hammad Bin Zaid ne bayan kiya, un se Sabit ne, un se Anas (Radi Allahu Anhu) ne bayan kiya ke qaidiyon mein Safiyyah (Radi Allahu Anha) bhi theen. Pehle to wo Dihyah Kalbi (Radi Allahu Anhu) ko mileen phir Nabi Kareem (Sallallahu Alaihi Wasallam) ke nikah mein aaeen
.