Hum se Yahya bin Bishr ne byaan kiya , unhon ne kaha ke hum se Shababah bin Sawar ne byaan kiya , un se Warqa bin Amru ne , un se Amru bin Dinar ne , un se Ikrimah ne byaan kiya aur un se Abdullah bin Abbas razi Allahu anhuma ne byaan kiya ke Yemen ke log rasta ka kharch saath laye baghair Hajj ke liye aa jate thay . Kehte to yeh thay ke hum tawakkul karte hain lekin jab Makka aate to logon se mangne lagte . Is par Allah Ta'ala ne yeh aayat nazil farmayi ”aur tosha le liya karo ke sab se behtar tosha to taqwa hi hai .“ Is ko Ibn Uyaynah ne Amru se bawasta Ikrimah mursalan naqal kiya hai .