Hum se Abdullah bin Muhammad Musandi ne byaan kiya ‘ kaha ke hum se Abu Asim Nabeel ne byaan kiya ‘ kaha ke humein Sadaan bin Basheer ne khabar di ‘ kaha ke hum se Abu Mujahid Saad Tayee ne byaan kiya ‘ kaha ke hum se Mahal bin Khaleefah Tayee ne byaan kiya ‘ kaha ke maine Adi bin Hatim Tayee razi Allahu anhu se suna ‘ unhon ne kaha ke main Nabi Karim salla Allahu alaihi wasallam ki khidmat mein maujood tha ke do shakhs aaye ‘ ek faqr o faqa ki shikayat liye hue tha aur doosre ko raston ke ghair mehfooz hone ki shikayat thi . Is par Rasool Allah salla Allahu alaihi wasallam ne farmaya ke jahan tak raston ke ghair mehfooz hone ka ta'lluq hai to bahut jald aisa zamana aane wala hai ke jab ek qafila Makka se kisi muhafiz ke baghair nikle ga . (Aur isay raste mein koi khatra na ho ga) aur raha faqr o faqa to Qayamat is waqt tak nahi aaye gi jab tak (maal o daulat ki kasrat ki wajah se yeh haal na ho jaye ke) ek shakhs apna sadqa le kar talash kare lekin koi isay lene wala na mile . Phir Allah Ta'ala ke darmiyan koi parda na ho ga aur na tarjumani ke liye koi tarjuman ho ga . Phir Allah Ta'ala is se pooche ga ke kya maine tujhe duniya mein maal nahi diya tha ? Woh kahe ga ke haan diya tha . Phir Allah Ta'ala pooche ga ke kya maine tere paas paighambar nahi bheja tha ? Woh kahe ga ke haan bheja tha . Phir woh shakhs apne dayein taraf dekhe ga to aag ke siwa aur kuch nazar nahi aaye ga phir bayein taraf dekhe ga aur udhar bhi aag hi aag ho gi . Pas tumhein Jahannam se darna chahiye khwah ek khajoor ke tukre hi (ka sadqa kar ke is se apna bacha'o kar sako) agar yeh bhi muyassar na aa sake to acchi baat hi munh se nikale .