Hum se Ayash bin Waleed ne byaan kiya ‘ unhon ne kaha ke hum se Abdul Ala ne byaan kiya ‘ kaha ke hum se Saeed Jureiri ne Abul Ala Yazid se byaan kiya ‘ un se Ahnaf bin Qais ne ‘ unhon ne kaha ke main baitha tha (doosri sanad) aur Imam Bukhari rahmahu Allah ne farmaya ke mujh se Ishaq bin Mansoor ne byaan kiya ‘ unhon ne kaha ke hum se Abdul Samad bin Abdul Waris ne byaan kiya ‘ unhon ne kaha ke mujh se mere baap ne byaan kiya ‘ unhon ne kaha mujh se Saeed Jureiri ne byaan kiya ‘ kaha ke hum se Abul Ala bin Shikhir ne byaan kiya ‘ un se Ahnaf bin Qais ne byaan kiya ke main Quraish ki ek majlis mein baitha hua tha . Itne mein sakht baal ‘ mote kapre aur moti jhooti haalat mein ek shakhs aaya aur khare ho kar salam kiya aur kaha ke khazana jama karne walon ko is patthar ki bisharat ho jo Jahannam ki aag mein tapaya jaye ga aur is ki chhati ki bhitni par rakh diya jaye ga jo mondhe ki taraf se paar ho jaye ga . Is tarah woh patthar barabar dhalakta rahe ga . Yeh keh kar woh sahib chale gaye aur ek sutoon ke paas taik laga kar baith gaye . Main bhi un ke saath chala aur un ke qareeb baith gaya . Ab tak mujhe yeh maloom na tha ke yeh kaun sahib hain . Maine un se kaha ke mera khayal hai ke Aap ki baat qaum ne pasand nahi ki . Unhon ne kaha yeh sab to be-waqoof hain .