Hum se Qutaibah bin Saeed ne byaan kiya ‘ unhon ne kaha hum se Layth bin Saad ne byaan kiya ‘ un se Saeed bin Abi Saeed ne byaan kiya ‘ un se un ke baap ne byaan kiya ‘ un se Abu Saeed Khudri razi Allahu anhu ne ke Rasool Allah salla Allahu alaihi wasallam ne farmaya ke jab janaza tayyar ho jata hai phir mard us ko apni gardnon par utha lete hain to agar woh murda naik ho to kehta hai ke haan aage liye chalo mujhe barhaye chalo aur agar naik nahi hota to kehta hai . Haaye re kharabi! Mera janaza kahan liye ja rahe ho . Is awaaz ko insaan ke siwa tamam Allah ki makhlooq sunti hai . Agar kahin insaan sun payein to behosh ho jayein .