Kyunke Allah Ta'ala ne farmaya hai ke ae logo! Jo imaan la chuke ho apne sadqaat ko ehsan jata kar aur (jis ne tumhara sadqa liya hai usay) eeza de kar barbad na karo jaise woh shakhs (apne sadqaat barbad kar deta hai) jo logon ko dikhane ke liye maal kharch karta hai aur Allah aur Qayamat ke din par imaan nahi laata (se) Allah Ta'ala ke irshad ”aur Allah apne munkiron ko hidayat nahi karta“ (tak) . Ibn Abbas razi Allahu anhuma ne kaha ke (Quran Majeed) mein lafz «saldan» se muraad saaf aur chikni cheez hai . Ikrimah razi Allahu anhu ne kaha (Quran Majeed mein) lafz «waabil» se muraad zor ki baarish hai aur lafz «al-tall» se muraad shabnam ous hai .