Hum se Ismail bin Abdullah ne bayan kiya, kaha ke mujh se Ibn Wahb ne bayan kiya, in se Yunus ne, in se Ibn Shihab ne, in se Urwah ne aur in se Aisha razi Allahu anha ne ke Nabi Karim salla Allahu alaihi wasallam ne ek aurat ka hath katwaya. Aisha razi Allahu anha ne bayan kiya ke woh aurat baad mein bhi aati ku aur main is ki zarooratein Nabi Karim salla Allahu alaihi wasallam ke samne rakhti ku, is aurat ne tauba kar li thi aur husn e tauba ka saboot diya thu.

Hum se Abdullah bin Muhammad al-Jafi ne bayan kiya, unhon ne kaha hum se Hisham bin Yusuf ne bayan kiya, unhon ne kaha hamako Mamar ne khabar di, unhein Zuhri ne, unhein Abu Idrees ne aur in se Ubadah bin Samit razi Allahu anhu ne bayan kiya ke main ne Rasool Allah salla Allahu alaihi wasallam se ek jama'at ke saath bai-at ki thi. Nabi Karim salla Allahu alaihi wasallam ne is par farmaya ke main tum se ahad leta hoon ke tum Allah ka kisi ko shareek nahi thehrao ge, tum chori nahi karo ge, apni aulad ki jaan nahi lo ge, apne دل se gharh kar kisi par tuhmat nahi lagao ge aur naik kaamon mein meri nafarmani na karo ge. Pas tum mein se jo koi wade poora kare ga is ka sawab Allah ke oopar lazim hai aur jo koi in mein se kuch ghalati kar guzre ga aur duniya mein hi usay is ki saza mil jaye gi to yeh is ka kaf-fara ho gi aur usay paak karne wali ho gi aur jis ki ghalati ko Allahchhupa le ga to is ka muamla Allah ke saath hai, chahe to usay azab de aur chahe to is ki maghfirat kar de. Abu Abdullah Imam Bukhari rahmahullah ne kaha ke hath katne ke baad agar chor ne tauba kar li to is ki gawahi qabool ho gi. Yahi haal har is shakhs ka hai jis par hadd jaari ki gayi ho ke agar woh tauba kar le ga to is ki gawahi qabool ki jaye gi.