Abu Hurairah razi Allahu anhu ne Nabi Karim salla Allahu alaihi wasallam se riwayat kiya ke Qayamat ki nishaniyon mein se yeh bhi hai ke maweshi churane wale log kothiyon mein akarne lagein ge yani buland kothiyaan banwa kar fakhr karne lagein ge .

Hum se Abu Nuaym ne bayan kiya , kaha hum se Ishaq ne bayan kiya woh Saeed ke bete hain , in se Saeed ne aur in se Ibn Abbas razi Allahu anhuma ne bayan kiya ke Nabi Karim salla Allahu alaihi wasallam ke zamana mein apne hathon se ek ghar banaya taake baarish se hifazat rahe aur dhoop se saya haasil ho Allah ki makhlooq mein se kisi ne is kaam mein meri madad nahi ki . Maloom hua ke zaroorat ke laiq ghar banana durust hai .

Hum se Ali bin Abdullah Madini ne bayan kiya , kaha hum se Abu Sufyan Sawri ne , in se Amr bin Nishar ne aur in se Ibn Umar razi Allahu anhuma ne kaha ke wallah Nabi Karim salla Allahu alaihi wasallam ki wafat ke baad na main ne koi eint kisi eint par rakkhi aur na koi bagh lagaya . Sufyan ne bayan kiya ke jab main ne is ka zikr Ibn Umar razi Allahu anhuma ke baaz gharanon ke samne kiya to unhon ne kaha ke Allah ki qasam unhon ne ghar banaya tha . Sufyan ne bayan kiya ke main ne kaha phir yeh baat Ibn Umar razi Allahu anhuma ne ghar banane se pehle kahi ho gi .