Hum se Abdullah bin Yusuf Taneesi ne bayan kiya, unhon ne kaha hum ko Imam Malik ne khabar di, unhein Ibn Shihab ne khabar di, unhein Urwah bin Zubayr ne aur in se Umm al-Momineen Aisha razi Allahu anha ne bayan kiya ke main halat e haiz ke bawajood Nabi Karim salla Allahu alaihi wasallam ke sar mein kangha karti thi. Hum se Abdullah bin Yusuf ne bayan kiya, kaha hum ko Imam Malik ne khabar di, unhein Hisham ne, in se un ke walid ne aur in se Aisha razi Allahu anha ne isi tarah yeh hadees bayan ki.