Hum se Muhammad bin Muqatil ne bayan kiya, kaha hum ko Abdullah bin Mubarak ne khabar di, kaha hum ko Humayd Taweel ne khabar di aur unhein Anas razi Allahu anhu ne in se pachhna lagwane wale ki mazdoori ke baare mein poochha gaya tha. Unhon ne kaha ke Rasool Allah salla Allahu alaihi wasallam ne pachhna lagwaya tha Aap ko Abu Taybah (Nafi ya Maysarah) ne pachhna lagaya tha Aap salla Allahu alaihi wasallam ne unhein do saa khajoor mazdoori mein di thi aur Aap ne in ke malikon (Banu Harisa) se guftagu ki to unhon ne in se wasool kiye jaane wale lagan mein kami kar di thi aur Nabi Karim salla Allahu alaihi wasallam ne farmaya ke (khoon ke dabao ka) behtareen ilaaj jo tum karte ho woh pachhna lagwana hai aur umdah dawa ood e hindi ka istemal karna hai aur farmaya apne bachon ko «uzrah» (halaq ki beemari) mein in ka taloo daba kar takleef mat do balkay «qust» laga do is se waram jata rahe ga.

Hum se Saeed bin Tulid ne bayan kiya, unhon ne kaha ke mujh se Ibn Wahb ne bayan kiya ke mujhe Amr waghaira ne khabar di, in se Bukayr ne bayan kiya, in se Aasim bin Umar bin Qatadah ne bayan kiya ke Jabir bin Abdullah Muqanna bin Sinan tabi ki iyadat ke liye tashreef laaye phir in se kaha ke jab tak tum pachhna na lagwa lo ge main yahan se nahi jaoon ga, main ne Rasool Allah salla Allahu alaihi wasallam se suna hai ke Nabi Karim salla Allahu alaihi wasallam ne farmaya ke is mein shifa hai.