Ibn Abbas razi Allahu anhuma ne kaha ke «al-anfaalu» ke maani ghanimatein hain . Qatadah ne kaha ke lafz «reehukum» se larai murad hai (yani agar tum aapas mein niza karo ge to larai mein tumhari hawa ukharr jaye gi) . Lafz «nafilatun» atiya ke maani mein bola jata hai .

Mujh se Muhammad bin Abdur Raheem ne byaan kiya , unhon ne kaha hum se Saeed bin Sulayman ne byaan kiya , unhon ne kaha hum ko Hushaym ne khabar di , unhon ne kaha hum ko Abu Bishr ne khabar di , un se Saeed bin Jubayr ne byaan kiya ke main ne Ibn Abbas razi Allahu anhuma se Surah al-Anfaal ke mutalliq poocha . Unhon ne batlaya ke Ghazwa Badr mein nazil hui thi . «ash-shaukatu» ka maani dhaar nauk . «murdifeena» ke maani fauj dar fauj . Kehte hain «radafani wa ardafani» yani mere baad aaya . «zhalikum fazhooqoohu zhooqoo» ka maani yeh hai ke yeh azab uthao is ka tajurba karo , munh se chakhna murad nahi hai . «fayarkumahu» ka maani is ka jama kare . «sharrid» ka maani juda kar de (ya sakht saza de) . «janahoo» ke maani talab karein . «yuskhina» ka maani ghalib hua aur Mujahid ne kaha «muka'un» ka maani ungliyaan munh par rakhna . «tasdiyatun» seeti bajana . «yusbitooka» taake tujh ko qaid kar lein .