Is ki misal jaise Surah Yusuf mein farmaya «was-alil qaryata was-alil eera» yani basti walon se aur qafila walon pooch le «zihriyyan» yani idhar udhar phir kar nahi dekhte. Arab log jab un ka kaam na nikle to kehte hain «zaharatu hajati» ya «ja-altani zihriyyan» tu ne mera kaam pas-e-pusht daal diya ya mujh ko pas-e-pusht kar diya. «zihri» is janwar ya «zurf» ko kehte hain jis ko tu apni quwwat barhane ke liye sath rakkhe «makanatahum» aur «makanahum» dono ka ek hi maani hai. «lam yaghnau» zinda nahi rahe thay. Wahan base hi na thay (Surah Al-Maidah mein) «fala ta-sa» ranjida na ho (Surah Al-Araf mein) «aasa» ranjida hoon gham karoon Imam Hasan Basri ne kaha (Surah Hood mein) kafiron ka jo ye qoul naqal kiya. «innaka la-antal haleemur rasheedu» to ye kafiron ne thatthe ke taur par kaha tha. Mujahid ne kaha Surah Ash-Shuara mein «laikata» se murad «aikata» hai yani jhari mein. «yaumuz zullati» yani jis din azab ek saiban ki shakal mein namoodar hua (abr badal mein se aag barsi)