Aur Nabi Kareem (Sallallahu Alaihi Wasallam) ne farmaya, agar kisi shakhs ne paiwandi karne ke baad khajoor ka koi darakht becha to is ka phal bechne wale hi ka hota hai. Aur is bagh mein se guzarne aur seerab karne ka haq bhi ise hasil rehta hai. Yahan tak ke is ka phal tor liya jaye. Sahaba-e-Ariya ko bhi ye huqooq hasil honge
.

Hum se Abdullah Bin Yusuf ne bayan kiya, kaha ke hum se Laith ne bayan kiya, un se Ibn Shihab ne bayan kiya, un se Salim Bin Abdullah ne aur un se in ke baap ne bayan kiya ke mein ne Rasul Allah (Sallallahu Alaihi Wasallam) se suna, Aap (Sallallahu Alaihi Wasallam) ne farmaya tha ke paiwand-kari ke baad agar kisi shakhs ne apna khajoor ka darakht becha to (is saal ki fasal ka) phal bechne wale hi ka rehta hai. Han agar khareedar shart laga day (ke phal bhi khareedar hi ka ho ga) to ye surat alag hai. Aur agar kisi shakhs ne koi maal wala ghulam becha to wo maal bechne wale ka hota hai. Han agar khareedar shart laga day to ye surat alag hai. Ye hadees Imam Malik se, unhon ne Nafi se, unhon ne Ibn Umar (Radi Allahu Anhuma) se bhi marwi hai is mein sirf ghulam ka zikar hai
.

Hum se Muhammad Bin Yusuf ne bayan kiya, kaha hum se Sufyan ne bayan kiya, un se Yahya Bin Saeed ne, un se Nafi ne, un se Ibn Umar (Radi Allahu Anhuma) ne aur un se Zaid Bin Sabit (Radi Allahu Anhu) ne bayan kiya, ke Nabi Kareem (Sallallahu Alaihi Wasallam) ne Ariya ke silsila mein is ki rukhsaat di thi ke andaza kar ke khushk khajoor ke badle becha ja sakta hai
.

Hum se Abdullah Bin Muhammad ne bayan kiya, kaha ke hum se Ibn Uyainah ne bayan kiya, un se Ibn Jurayj ne, un se Ata ne, unhon ne Jabir Bin Abdullah (Radi Allahu Anhuma) se suna ke Nabi Kareem (Sallallahu Alaihi Wasallam) ne mukhabarah, muhaqalah, aur muzabanah se mana farmaya tha. Isi tarah phal ko pukhta hone se pehle bechne se mana farmaya tha, aur ye ke mewa ya ghalla jo darakht par laga ho, dinar-o-dirham hi ke badle becha jaye. Albatta araya ki ijazat di hai
.

Hum se Yahya Bin Qazaah ne bayan kiya, unhon ne kaha ke hum ko Imam Malik ne khabar di, unhein Dawood Bin Haseen ne, unhein Abu Ahmad ke ghulam Abu Sufyan ne aur un se Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne bai-araya ki andaza kar ke khushk khajoor ke badle panch wasaq se kam, ya (ye kaha ke) panch wasaq ke andar ijazat di hai is mein shak Dawood Bin Haseen ko hua (bai-ariya ka bayan peeche mufassal ho chuka hai)
.

Hum se Zakariya Bin Yahya ne bayan kiya, kaha ke hum ko Abu Usama ne khabar di, kaha ke mujhe Waleed Bin Kaseer ne khabar di, kaha ke mujhe Bani Harisah ke ghulam Bashir Bin Yasar ne khabar di, un se Rafi Bin Khadij (Radi Allahu Anhu) aur Sahl Bin Abi Hasmah (Radi Allahu Anhu) ne bayan kiya, ke Rasul Allah (Sallallahu Alaihi Wasallam) ne bai-muzabanah yani darakht par lage hue khajoor ko khushk ki hui khajoor ke badle bechne se mana farmaya, Ariya karne walon ke ilawa ke unhein Aap (Sallallahu Alaihi Wasallam) ne ijazat day di thi. Abu Abdullah (Imam Bukhari Rahimahullah) ne kaha ke Ibn Ishaq ne kaha ke mujh se Bashir ne isi tarah ye hadees bayan ki thi. (Ye taliq hai kyunke Imam Bukhari (Rahimahullah) ne Ibn Ishaq ko nahi paya. Hafiz ne kaha ke mujh ko ye taliq mausalan nahi mili.)
.

Hum se Zakariya Bin Yahya ne bayan kiya, kaha ke hum ko Abu Usama ne khabar di, kaha ke mujhe Waleed Bin Kaseer ne khabar di, kaha ke mujhe Bani Harisah ke ghulam Bashir Bin Yasar ne khabar di, un se Rafi Bin Khadij (Radi Allahu Anhu) aur Sahl Bin Abi Hasmah (Radi Allahu Anhu) ne bayan kiya, ke Rasul Allah (Sallallahu Alaihi Wasallam) ne bai-muzabanah yani darakht par lage hue khajoor ko khushk ki hui khajoor ke badle bechne se mana farmaya, Ariya karne walon ke ilawa ke unhein Aap (Sallallahu Alaihi Wasallam) ne ijazat day di thi. Abu Abdullah (Imam Bukhari Rahimahullah) ne kaha ke Ibn Ishaq ne kaha ke mujh se Bashir ne isi tarah ye hadees bayan ki thi. (Ye taliq hai kyunke Imam Bukhari (Rahimahullah) ne Ibn Ishaq ko nahi paya. Hafiz ne kaha ke mujh ko ye taliq mausalan nahi mili.)
.