Aur Rasul Allah صلی اللہ علیہ وسلم ne irshad farmaya: ”Jannat aur dozakh mein mubahisa hua, dozakh ne kaha: mutakabbir aur magroor logon ke sabab mujhe tujh par bartari hasil hai. Jannat ne kaha: kya hai ke mere haan mutakabbireen ki bajaye za'eef, ghatiya aur sada-lauh log hi dakhil hote hain? Is par Allah Azza wa Jalla ne jannat se farmaya: Tu Meri rehmat hai, Tere zariye Mein apne bandon mein se jise chahoon, apni rehmat se nawazta hoon, aur dozakh se farmaya: Tu Mera azab hai, Tere zariye Mein apne bandon mein se jise chahoon azab mein mubtala karta hoon, aur tum donon (ka apne paimane ke mutabiq) bharna haqiqat hai. Albatta dozakh tab bhare gi jab Allah apna paon is mein rakkhe ga. (Jab Allah Ta'ala apna paon rakkhe ga) to dozakh kahe gi: bas! bas! (lehaza) is waqt wo bhar jaye gi aur wo sukad jaye gi aur Allah Ta'ala apni makhlooq mein se kisi (ek) par (bhi) zulm nahi kare ga. Aur raha jannat ka bharna to is ke liye Allah Ta'ala ek aur makhlooq paida kar dein ge.“