Hum se Naeem ne bayan kiya, un se Aamash ne bayan kiya, un se Ibrahim ne, un se Aswad ne aur un se Aisha (Radi Allahu Anha) ne bayan kiya ke ek martaba Rasul Allah (Sallallahu Alaihi Wasallam) ne qurbani ke liye (Bait Allah) bakriyan bheji theen
.

Hum se Abul Numan ne bayan kiya, un se Abdul Wahid ne bayan kiya, un se Aamash ne bayan kiya, un se Ibrahim ne, un se Aswad ne aur un se Aisha (Radi Allahu Anha) ne ke mein Nabi Kareem (Sallallahu Alaihi Wasallam) ke qurbani ke janwaron ke qiladah khud bata karti thi, Nabi Kareem (Sallallahu Alaihi Wasallam) ne bakri ko bhi qiladah pehnaya tha aur aap (Sallallahu Alaihi Wasallam) khud apne ghar is haal mein muqeem thay ke aap (Sallallahu Alaihi Wasallam) halal thay
.

Hum se Abul Numan ne bayan kiya, un se Hammad ne bayan kiya, un se Mansoor Bin Mutamir ne (Doosri sanad) aur hum se Muhammad Bin Kasir ne bayan kiya, unhein Sufyan ne khabar di, unhein Mansoor ne, unhein Ibrahim ne, unhein Aswad ne aur un se Aisha (Radi Allahu Anha) ne bayan kiya ke mein Nabi Kareem (Sallallahu Alaihi Wasallam) ki bakriyon ke qiladay khud bata karti thi, Nabi Kareem (Sallallahu Alaihi Wasallam) unhein (Bait Allah ke liye) bhej dete aur khud halal hi hone ki halat mein apne ghar theher rehte
.

Hum se Abu Naeem ne bayan kiya, kaha ke hum se Zakariya ne bayan kiya, un se Aamir ne, un se Masrooq ne aur un se Aisha (Radi Allahu Anha) ne bayan kiya ke mein ne Rasul Allah (Sallallahu Alaihi Wasallam) ki qurbani ke liye khud qiladay bate hain. Un ki murad ihram se pehle ke qiladon se thi
.